Carissima S. e blog.
DAL’ALBO DEI RICORDI
El cinema Roma
Vessin
a la via Moraro ghe jera el cinema teatro Roma, el verzeva tute le sere a le
sete, el restava verto fin a la fine del’ultimo spetacolo verso mezanote, tuti
i jorni feriali, e a la domenica el primo spetacolo scomissiava a le do e meza
del dopo disnà. I paroni se ciamava Pipa, la mascara la jera Montin, ciamà anca
“vecia”, i operatori se ciamava Cornelio e Giulieto. Noialtri tosi a
‘ndavimo a gara par ‘ndare vendare le caramele con la casseta de legno a
tracola, cossì podevimo vedare i film gratis e anca a ciapavimo qualche
manceta, vendendo le caramele de Dal Din e Navara. El cinema Roma el gaveva i
primi e i secondi posti e ‘na bela logia; el jera senpre pien de fumo, de ciche
di sigareta, de carte de caramele e de scorse de bagigi; la Togna e la
Gema Rossi , mama e fjola e gaveva el so bel
da fare par netare tuto ch’el spassio, e par questo e se alsava a la matina de
bona ora. Un luni de matina però, dopo aver verto tute le porte e scomissia a
scoare e se trova ‘na sorpresa: “ne la penultima fila de la galeria e se trova
una putelo tuto ragomitolà su ‘na poltrona, ch’el dorme beato, alora e lo sveja
e lo riconosse, el jera uno dei puteli dei Soloni, che i xe cossì tanti, che so
mama non la se ga gnanca incorto che’el ghe mancava.
In te sto posto ‘na olta
da puteli se scondevimo
par zugare a cuco o al dotore
e pì de calche olta
a calavimo anca le braghe
On cò sto posto el pare on giardin
Belo e profumà in t’el so picenin.
Nessun commento:
Posta un commento