Carissimi,
la storia ne conta che xé scopià la prima guera mondiale, traverso a scusa che Gavrilo Princip, ga tentà a la vita al'arciduca Francesco Ferdinando d'Austria e a so moiere, cossì dato che ghe jera za par tanti motivi e micie pronte, xé scomissià a I guera mondiale. Invesse a seconda guera mondiale a xé sta vossùa da la voia de grandessa de Hitler, on desgrassià ditatore ch'el voleva deventare paron del mondo. On cò a semo in pericolo, parché ghe xé naltro mato in jro che se ciama Kim Jong-un e no vorìa ch'el ciapesse a scusa del'assassinio del so fradeasso Kim Jong-nam, par scaenare a tersa guera mondiale. Speremo de no xente , ma in jro ghe xé tante de che arme potenti e tanti altri mati che non vorìa che a capitasse davero. Axé tanto che digo che i Bla.... Bla de sta tera i convertisse e fabriche de arme, in fabriche arnesi par lavorare la tera, in fabriche de trasformassion de la roba che nasse da la tera, in fabriche de xente che se vole ben.
Bona jornada!
Ne le nostre cità
a serchemo de conservare
el belo che ne ga lassà
e nostre xenti care
Se la va vanti cossì
co i mati che ghe xé
semo vessini a ch'el dì
che calche mato vole ssare re
Dopo avere visto do guere
no ghemo inparà gnente
ansi xé sta destrute e tere
e desso no ghemo pì gnente
I bla...bla no li parla
altro che de schei e potere
la guera i xé drìo farla
no li ga intesion sincere.
Nessun commento:
Posta un commento