Cara S. e tuti i bogs, zoba e venare go passà do bee jornate, al zoba co i putei al Redentore a contarghe e fiabe, a xé sta na bea esperiensa, i go fati stare tenti co queo che ghe go conta, ma i go anca indormesà.
Venare, on co, semo ndà a Cianpo e desso che so tornà a ve conto come go passà a jornata.
Su e zò pai coi de a Vae del'Agno
da Cianpo a Valdagno, pasando
par Nogaroe e Altisimo, go visto
dei panorami da restare sensa fià,
co poca zente pa e strade e dee
vache al pascoo sol prà.
Dopo tante saide e disese ,
semo rivà a Valdagno, ma no
a xé pì quea de tani ani fa,
quando i Marzoto a so industria
i ga piantà.
On cò a crisi ghe xé anca qua,
ma tanti stranieri ne e conserie i xé restà,
e i go visti qua al marcà.
Jera mezodì e a mganare poenta e bacaà
a a tratoria al Soe, se ghemo fermà.
Ghemo anca bevù del bon vinarèo
che me ga fato tocare el céo.
Cari tosi, do bee jornate
e dei posti favoosi.
Nessun commento:
Posta un commento