Cara S. ieri sera so sta davero contento de vedarte. Spero che te gabi vendù tanti bilieti. Go pasà na bea serata, magnando, bevendo e baando. Cossa vuto de pì da a vita! Carissimi tuti, letori de sto blog, a sagra dura fin luni, ve invito a ndarghe a divertire come ga go fato mi. Bona jornata!
El canpo xé pien de zente,
se se diverte co poco o gnente,
l'inportante xé a conpagnia ,
a pì bea roba che ghe sia.
Go visto na sgnarà de putei,
tuti indafarà a servire boni piatei;
go visto i putini che i spasemava
par ndare in jostra e e mame che baava;
go visto tozeti e tozete che se vardava.
Gnente xé canbià, tuto come ani fa.
A sagra xé senpre festa, prego a e ora,
parché i caporioni de sto mondo
i meta a posto a testa, parché al popoo
ghe basta poco e tuto el resto
a lori o steso ghe resta.
Prego El Paron pal Pardon
ch'El para via da che e teste
tuta a confusion che no
a conbina altro che distrussion.
Nessun commento:
Posta un commento