Zente cara, e prevision e jera vere na volta e anca un cò: Se non piove so e Palme, piove so i ovi.
Stamatina se ghemo sveja co a tera tuta bagnà, el ceo inuvoà e sensa voja de ndare sol prà. Ma coe ganbe soto a toa ghe ndemo o steso, e se a contemo, cantemo, magnemo e beemo. Asemo che piova che no a fa mae pa e piante, canpi, orti e jardini, e vardemo el zogare dei nostri putini che piova o no piova, par zogare i trova calche roba nova.
Doman xé naltro dì e piova o no piova, spetemo a luna nova.

Bona pasqueta!