Carissima S. e blog, marzo pazzerello, a portata di mano devi avere l'ombrello. Buona giornata!
MEMORIE SEMPRE VIVE
Strade pì stréte e senza marciapiè
ca ne ricorda sentieri de montagna,
loghi de dolore pieni
co ’l sangue conquistà.
Storie d’eroismo
de tanti zòvani soldà
là, in prima linea
pa’ diféndare sta Patria
urlando forte: libertà!
Fanti e Bersalieri
che par massa tenpo
nissun de casa
ga podù savere
dove ca jéri:
forse so ’l Carso,
fra Carinzia e Montenero,
là, vizìn a l’Isonzo
o in Istria, tera assè nostrana,
o a l’arma bianca ’sora l’Ortigara
dove da eroi in tanti gavì catà
’na fine amara.
Co i nomi de ’e sovie
sta çità tuti ’a ve ricorda
’ndando co ’l pensiero
a Redipulia, Rovereto,
Vitorio Veneto e Caporeto.
Memorie senpre vive
da
consegnare ai nostri fioi,
par
davero vissù
su le Tofane e l’Adamelo,
sora al Grapa e al Podgora,
senza mai desmentegare
i fiumi sacri: Isonzo e Piave.
Zime co ’l sangue conquistà
de
tanta zoventù
par
senpre restà lassù
privà parfìn de ’na crose.
Inparémo a vo’erse ben
che l’è tanto belo:
basta odio e guere mai più,
vivemo tuti in libertà
mirando in alto
verso el zielo.
Arnaldo Pavarin
Nessun commento:
Posta un commento