Venerdì 31 agosto 2018  

Carissima S. e blog.

                                 dopo le peripezie che ho avuto con il Pc, disturbato mio cognato Orlando, Sandra e il mio ego, sono qui a scrivere questa pagina Sabato 1 settembre 2018. Speri di poter continuare a lavorare, ma ho tanti dubbi, perché ogni volta che lo chiudo e riapro mi chiede di aggiornare l'orologio, credo che sia vecchio come me o quasi. Con tante scuse un grazie a tutti.

Venare 31 agosto 2018

   Stanote me pare de avere dormio poco, comunque Te ringrassio PARON de averme conservà anca par un cò, fa che che queo che conbinarò sia secondo a to volontà. Me so alsà prima de-e sete e so ndà a Messa nea ceseta de-e Carmeitane. Pì tardi a so ndà a Lozzo a trovare el me amigo poeta Valter e so moiere Marina. Ghemo ciacoà na scianta e bevù un cafè insieme. Dato che gera da che-e parte a me so messo in strada par ndare a vedare “ El Paassotto” tanto caro ai Nobii Contarini imparentà co i Venier e i Giovanelli e tanti altri nobii, parché na volta i siori, anca tra parenti i se maridava, par ingrossare i so patrimoni. Sta voia me xe restà da quando che go leto i  tre libri che ga scrito el bravo dott. Giuliano Menaldo, su a vita dea nobiltà venessiana al tempo del Stato de Mar e de Tera, i nobii Contarini ga conprà de-e tere paudose nei coi Euganei, nel logo ciamà Vò e co i so sciavi i ga bonificà el teren vessin al fiume Bisato. In te sto posto  i se ga fato fabricare a so “Casa de deissia” ciamà el “Paassotto”. Par tante generassion i Contarini i ga sfrutà xente e tera, fin che a Republica Venessiana ga podesto, parché dopo calche secoo de bea vita i ga  perso tuto ne-e batalie co i francesi e i austriaci. Cossì stamatina a Vo vecio go trovà a bea piassa co i porteghi intorno, a cesa, el bel Paassotto e anca el Porto sul Bisato, da dove i Contarini i faseà navegare e so barche par ndare su e zo a Venessia. A go visto i posti de sta bea storia che go leto voentiera, ma anca a me ga contà de a vita dei siori e dei poareti de che l’epoca, dove el sior el gera PARON co dirito de vita e de morte su tuti quei ch stava ne-e so tere.

Bona giornata!

Vò vecio se trova

de drio ai coi Euganei

che varda i coi Berici.

Strade strete,

stradoni driti e  onghi,

arzari, fiumi, fossati e canai

a destra e a sinistra.

De dì te tè a cavi,

ma de note

bisogna stare tenti.

Se ghe xe nebia

 te tè perdi e te risci

de girare senpre in tondo

tornando senpre

in t’el stesso posto

o de trovarte col cuo in fosso.