Marti 11 setenbre 2018 

Carissima S. e blog.

                                  dissete ani fa xe capità na roba che nessuno al mondo gavarìa imaginà.....ma a xe capità....el diavoo el xe riussio a fare anche questo, oltre a tutte e senpiade che fa i omani ....ciamà grandi, ma che i xe  grandi soo de cativeria, pal resto i xe pori omani che prima o dopo i cascarà anca ori come e foie che xe drìo cascare in te sto autuno, mascarà da fine istà. Che l'11 setenbre 2001 a me ricodo che gerimo sentà a toa co Padre Leone ei amissi de Santiago, par festegiare el ritorno dei peegrini, quando na teefonada a me ga dito che xe morta me zia Maria da Bataia, cossì go assà a conpagnia e so ndà a casa sua dove ghe gera me zia Rita da soa , cossì a so sta à fin che xe rivà que de e ponpe funebre che a ga messa in te na cassa, dopo che  el dotore el ga dà el nula-osta. Un co xe anca el conpleano de diversi amissi: Doriano, Cinsia, Bruna Franco... e tanti altri, ai quai ghe auguro ogni ben.

Come che ve go dito ieri a go mal de goa e mae e ganbe, ma on poco me xe passà, anca se go da dirve che go fato na note baorda e me so chietà soo co na tachipirina. Stamatina so nda in servisio A.V.O. - ACCOGLIENZA e a pranso so nda co me nevoda Ilaria, che a me anca da na multa pagare chea ga ciapà ieri vessin a Stassion de Moseese, co a ga ciapà el treno par ndare a Boogna afarse na visita. Me pare inpossiboe che sta poissia locae a sia pronta a dare e multe e quando che ghe xe da segnaare calcossa che no va e passa e-é va. Me riferisso a strada a senso unico de via San francesco che quandote ghe da vegnere fora a te trovi e machine parchegià soa to sinistra.... par ndare fora te risci de scontrarte co que-é che vien su da via San Giacomo parché no te e vedi rivare e te toca ndare fin quasi in mezo a strada par passare. Par no parlare dei tonbini intasà da i aghi dei pini, che quando che piove i alaga a strada o de tuta a erba alta drìo e strade de-é frassion etcc.... ste robe no che e vien viste da poissia locae, ma e varda a dare e multe in sertinposti e in serte ore che che a pora xente mete e machine sensa intrigare nessun.....Avanti che ndemo ben.....

Bona giornata!

A meto sta imagine

parché se calchedun a varda

a possa fare un pensierin

a dare calche oreta

a dea xente poareta

ricoverà in ospedae,

parché a fare sta roba 

a penso che sia 

BEN e no MAE.

Un cò co tute e robe 

che ghemo da fare

a no trovemo gnanca el tenpo

par sognare,

ma a chi che darà 

do ore a setimana

a  fare conpagnia  

e portare un soriso ai maà

a ghe digo che a oci verti

dei bei sogni i farà

e tornando casa i se sentirà

BEN

par avere fato calcossa de BON!