Luni 3 setenbre 2018

Carissima S. e blog.

                                 ieri, cara S. te go visto a Messa e se ghemo saudà, un co te auguro un bon prinsipio de setimana. fra poco te scomissi a scoa e dopo no te ghe varè pì tenpo par mi. A e-ora par piassere se te poi, vien vedare cossa ch'el ga sto conputer se no o buto ne-e scoasse. insieme col so paron, parché i xe veci e maandà tuti do. In te sti ani go scrito tante paroe, che no riesso pì a trovarghene de nove....a proposito gheto visto el programa del'incontro co i poeti de-a Roca in Fiore? Sapieme dire se te vien e in quanti, te speto me racomando. Passaremo na giornata diversa da-e soite e spero che vegna tuti quei che ghe gera in majo in lojeta, cossì se divertimo. Te ricordito Francesco, ch'el toso zovane che ga recità na poesia starna...beh teo sentissi come ch'el recita davero e come ch'el sona, el me ga mandà na poesia onga...onga, ma ghe go domandà te tairghene un toco. Anca Valter el me ne ga scrito una che vae a pena de sentirla. Desso te saudo parché fra poco vago in servizio in H co a me Associassion A.V.O., e teprego, se te ghe calche amiga che xe ndà in pension, de dirghe che sto mese scomissiem el 28° Corso de formassion par voontari A.V.O.  S par caso te ghe ne conossi calcheduna che voe fare calcossa de bob par éa e pa i altri naà, daghe pure el me indirisso e teefono, GRASSIE!

Bona giornata! 

Par sta porta

xe passà i resti del

Miite Ignoto el 30 otobre 1921,

ghe xe a targa che ricorda

sto fato, che xe abandonà

da xente sensa amore

ricordi e tato,

come anca el fabricato

sporco, vecio e inpenio

de tante tatare,che mi

nonostante tuto a vardo

e passo voentiera par de à,

parché me pare de essare

in te ch'el mondo

che i nostri veci xe morti

par darne a libertà.

Un co de sta libertà 

a ghe ne femo queo che voemo

e tiremo tanto a corda

che no se sà che fine

che faremo.