Domenega 2 setenbre 2018 

Carissima S. e blog.

                                  grazie Sandra, faccio ancora fatica, ma sono riuscito anche oggi a accedere.

Pare che anca un co a sia aqua. Infati no gavevo dubi, parché quando el Monterico xe incapeà a vine piova a sgiachetà. Ieri go sentiìo che do travestii da vigii i ga roba in casa de un ansian ; n'altro vecio che i sercava de qua e de à, i o ga trovà drento a un tonbin; oncora un deinquente xe ndà drento na casa el ga pestà a vecia. .......Ma cosa che xe drìo capitare in testo mondo de ladri, de farabuti, de mostri, gnanca a Cesa se salva.....cardinai, vescovi e preti che fa de e mae robe co i putei; el Papa poarteo n'ol sa dove girarse ch'el trova porcarìa dapartuto....Par questo a ogni Udiensa el ne domanda de pregare par lù. Par tornare a parlare de sta piaga de i migranti, pensé che in un paese vessin al nostro, el Sindaco ga domandà ai migranti de fare calcossa par a comunità, questi ga risposto de no, co a scusa che prima i voe essare riconossui come profughi e avere i documenti, ma mi e tanti altri pensemo che ghe fa comodo magnare, dormire e avere schei in scarsea a spese dea Comunità; altri invesse i fa sioparo,  e i fa un mucio de proteste, parché el magnare no xe bon, parché no ghe xe puissia, parché no i ghe dà dei bei vestiti. Me domando parché se i sta cossì mae no i torna a casa sua. Questa a xe na bruta storia che a sta xente bisogna dirghee ste robe e farghe capire che i ne fa pecà che i sia drento a dei canpi de concentramento, che nialtri no capimo come che i fassa stare de-e ore su ore davanti a cese e supermarcà sensa fare gnente. ....desso xe i qua , ben par calche mese, ma dopo o te iuti a Comunità fasendo calcossa o te mando a casa tua, soo cossì te té fè voere ben. Cari poitici e governanti, se a continua cossì davero me vien da pensare che ghe marcé de sora co ste robe.....

Bona giornata!

Tira ormai da calche ano

on vento stran 

che vien dal'Africa....

Forse el xe portà 

da tuta che a xente

che vien qua

e par fare cossa

no se sà.

L'Italia

xe deventà refugium pecatorum

diséa i latini,

ma par quanto ghemoi

da tegnere qua

 tuta sta marèa de beduini

sensa arte né parte né confini......