Giancarlo Fabbian
Rime...diario
Settembre 2018
El Bosco dei Frati, desso el xe ciamà Parco
Buzzacarin, m no inporta come ch’el se ciama, el xe un posto dove mame, putei,
veci e cani i vien a passare calche oreta par respirare un poca de ari bona in
te na istà soffegona. El xe un bel posto, tegnù ben da na cooperativa formà da
tanti voontari. Ghe xe el lagheto, co i cigni, anare che e navega intorno e
drio al fossato ch’el ciapa l’aqua dal canae Bisato, ma ghe xe anca del pesse
grosso e de-e tartarughe che magna i arenati, ma no i masari che i proifica a
tuto ndare. El lago vie ossigenà da dei fontanassi parché l’aqua respira e no a
spussa. In fondo, el Grupo Micoogico locae, el ga creà un bel giardin botanico,
dove che xe sta messe de-e bacheche co e poesie dei Poeti dea Roca in Fiore. In
mezo al parco ghe xe giostrine e altaene pa i putei, grilie par fare feste de
conpleano, toe e banche del legno, un
canpeto par zugare a baon, un punto de ristoro co i cessi e a pista da bao, ma
sopratuto ghe xe dei albari secoari alti anca pì de trenta metri, un paro i xe
anca sta dedicà a Dario Fo e so moiere Franca, e n’altro a na tosa che a se ga
dedicà al movimento de.e done.... No manca
proprio gnente.
Bona
giornata!
A
SPASSO PA A ME CITA’
Semo
a fine agosto
Sento
quasi odore de mosto.
Nei
coi a vendemare
I
ga scomissià,
El
vin bianco xe torcià
E
fra poco bevemo el bon vin
Ciamà
serprin.
Su
e mure del casteo
Ghe
xe a seconda butà
De
glicini vioà,
El
me coore preferìo,
A
me incanto a vardarli,
Ringrassio
el Bon Dio
De
darme sta possibiità
De
essare ncora qua.
In
piassa ghe xe cantautori
Poeti
e sonadori,
Tuti
scrive, canta e sona
In
te sto paese de mona.
I
migranti xe piantà
Davanti
cese e supermarcà
I
se contenta de ciapare
Pochi
schei, parché
I
ga poca voia de lavorare.
In
giro pae strade
Ghe
xe poche carossine
Soo
tanta xente co i cagneti
Ivesse
na volta putei tanti e benedeti.
Co
gerimo pì poareti
Pochi
gavéa e scarpe de curame
E
tanti gavéa e pesse sul cuo
E
i cessi de rame
Ma
a vita gera vita,
Desso
no a vae pì gnente
A
se buta via co gnente,
Semo
proprio drio ndare a ramengo.
Nessun commento:
Posta un commento