Marti 4 setenbre 2018  

Carissima S. e blog.

                                  che beo che xe stamatiba, no piove e ghe xe el soe. Ieri da quanta aqua che xe vegnù, a me so fermà co a machina in te un canton fin che ga sbaà. Un co pero me godo sto bel dì co na bea passeiata o un giro in bicicleta....vedemo, parché  e no sò se ve capita anca a vialtri: a penso na roba e ghe ne fasso naltra,.....A penso al poro Ilario ch'el xe stà bastonà da do deinquenti ei ghe ga portà via i schei ch'el gavéva in casa, ma queo che ghe dispiase de pì i xe tuti i regai che tegnéa par ricordo de so moiere. Ma gavaria voia de tirarghe e rece a quei che va a spasso co i cani, che poareti i a fà dapartuto, ma i so paroni no i se ferma a rancurarla....Cari, se tegnì i cani e i tratè come i putei,  metigighe el panoin come a quei o rancurè a roba che i fà, parché passando par un marcipiè no me sò incorto che ghe ne gera na fafà e a go pestà, tegnndome a spussa soto el naso fin che no go trovà un rubineto e me so netà e scarpe....co calche maedission a cheé persone sensa creansa. A me domando: - putei no ghe ne voì, parché i costa e ghi paura  de come che i cressarà, che futuro che i gavarà, a-e-ora ve conprè dei cani che i ve costa come i cristiani - Questo no xe voerse ben e no xe amore , ma puro egoismo....e a femo proprio na vita da cani.

Bona giornata!

Parchè da a matina a sera

tra lavoro e portare a spasso i cani

a se xe senpre pì strachi.

A semo proprio dei macachi

a se curemo pì dei cani

che dei fioi e dopo voemo

ch'el mondo vaga ben....

A semo dei insemeniì

se continuemo su sta strada,

 parché se trovaremo nea caca

come quea che go pestà ieri sera.