Carissima S. e blog, on cò ve scrivo in diaeto, parché tra e tante robe che no va a me xé sta domandà de 'ndare ne a me scoa ementare a ciacoare, de sta roba a so proprio contento e dopo ve contarò queo che go portà casa ciacoando co i putei. Ma on cò ve scrivo cossì, parché a go tirà fora na roba che go scrito tenpo fa par dire che par quanto tenpo ca passa, l'omo xé senpre queo: fare el paron, inbrojare, fare i propri intaressi, fregare i altri a pì no posso, anca quando ca te ghe bisogno, a pare inpossiboe: 'schei e amicissia orba a justissia'. BONA JORNATA!
SCHEI E AMICISSIA ORBA A IUSTISSIA
‘Na volta se diséa così
Ma ‘deso ea xé canbià
No ghe xé pì l’amicisia
Xé restà soo i schei
E no te fe gnente
Sensa de quei..
Mamona xé deventà
Paron de tuto,
Sensa schei se xé
Messi a carità
E par tanti no ghe xé
Che na soousion,
Coparse
e sperare
Ch’el vero Paron
Ne perdona.
Nessun commento:
Posta un commento