marti 21 febrarop2017

Carissimi,

                 a ve conto l'ultima che me capita, stago a Mosseese, ma go la residensa a Triban, dove che go a me caseta. Quaa a vegno  a tore a posta, fare e puissiee passare calche ora co i me ricordi, come ieri e on co, ma vago a magnare da a me conpagna Gema e se  femo conpagnia anca a note, tuto al ciaro del sole. Dunque, ieri vegno qua a Triban e drento a casseta de a posta a go trovà on aviso che go na racomandata ferma in ofiicio, alora vago in posta, fasso a coa e ritiro a racomandata che me ga mandà el Comune de Triban ( el ga speso € 5,95 de bolo), la verso e leso che sicome no stago senpre a Triban i me vole scancelare dal'anagrafe, Ghe digo e i me o fa scrivare che i me intaressi i xé a Mosseese , par  questo go on domicilio in te sta cità. I me ga anca dito che i vigili, (che i xé queli de Mosseese), i xé passà diverse volte da casa mia, ma no i ga mai trovà nessun. Mi credéa de essare libaro de fare quelo che voio, de ndare dove che voi, ma invesse no a xé cossì. No ve pare che la sia na barzeleta, ma in te che mondo vivemo. I me ga dito che ghe xé de le regole da rispetare, ma lori no rispeta, quela che on co i ciama privacy, e se i xé vegnù e no i me ga trovà i podeva metarme on aviso come che ga fato el postin par dirmi che go na racomandata ferma in posta. Mah! Desso stago vedare come che a va finire, me tocarà deventare apolide.
Bona jornada!
 

 

Nebia,

fredo,

scuro,

on inverno duro,

pien de rafredori

e influense,

zontà da rogne de  burocrassia,

che no so come che la sia,

che vegna controlà

da la munissipal polissia.

On comune invesse de tegnere

da conto chi poco o tanto

tien ben a so caseta e

poco o tanto i fa spesa

ne le boteghe del paese,

i vole  butarlo fora,

par sercare de torghe

da le scarsele on poche

 e prde palanche

e torghe la libertà

de fare quelo ch'el vole.

Co sti fati

i me pare proprio mati

e no so quali che

i sia i risultati.

 

 

 

 

 

 







luni 20 febraro 2017

Carissimi,

                 me so sogna che so nda da Lolo, ma no a fare bensina o canbiare l'olio, ma in ostaria. So Moiere a me xé vegnù incontro a saudarme, se ghemo inbrassà e mi ghe go domandaà come ch'el sta el vecio, la me ga risposti ch'el xé morto da tanto, cossì ghe go jrà a domanda e ghe go dito che voevo dire come che sta so fiolo pì vecio, ela no me risponde e sincome jera suqsi mezodì la me invita a magnare a pranso, ma ghe go dito che no posso, ne se vissina na cameriera e fin che le parla a buto l'ocio so la gazeta delo sport par vardare el ciclismo, ma on cliente el me dise che lo vole parché el jera drìo lesarlo lù, ma el se incorse che n'ol xé el gazetin, No so che sogno ch'el sia e cossa che vole dirme e me so sveia, ma me lo so ricordà.

 

Bona jornada!

 

In te sto posto,

co sta visuale,

stare ben

a xé na roba normale.

Su par qua,

fora dai bordei,

me pare de respirare mejo.

Qua su no penso a gnente,

camino, me fermo

a vardo el panorama,

ch'el xé senpre quelo,

ma ogni volta

lo vardo incantà

e ringrassio el Paron

de farme stare qua.

 

domenega 19 febraro 2017

 

Carissimi,

                ve conto quelo che fasso i te sta bela domenega  de festa, che se presenta bastansa ben col celo sereno macià da calche strissa de biso, ma tanto ciaro intorno.  A so qua che serco de ricordarme quelo che go sognà stanote, ma no ghe xé verso che me ricorda. Stamatina vago, come tute e domeneghe, a rispondare Messa in Casa de riposo e pregarò par on amigo che xé morto qua e pal nostro capelan che da venti dì el xé ricoverà in ospedale.  On cò vien me nevodi a pranso e  anca na nostra amiga, la Gema la ga fato on polastreo in tocio co le patate da lecarse i bafi. Dopodisnà, se i ospiti va via presto, 'ndarò a fare na passejata, ma so sicuro che gavarò calche altra roba da fare, parché come go senpre dito - a sò un omo senza tenpo - parché i xé i altri che me lo fa passare domandome questo e queloa e mi no sò bon a dirghe de no. A ste robe me so ormai abituà da quando  in pension so 'ndà. A tuti valttri ve auguro  de passare come che voì 'na

 

BONA DOMENEGA!

 

Alba ciara e scura,

la fa el so verso

la Natura.

No ghe xé gnente e nessun

che pole canbiarla,

gnanca el sior,

ch'el crede de essare

paron del mondo,

invesse quando che ghe toca

anca lù tuto qua lassa.

Solo la Natura

a xé cossì par tuti,

pa i siori, i poareti,

i beli e i bruti.

 

sabo 18 febraro 2017

Carissimi,

                 come che vedì continuo a scrivare in dialeto par far 'ndare vanti el projeto de Erica. Domando scusa a queli che no lo capisse, ma se me scrivì 'na Mail: naibbaf@libero.it, a ve lo traduso. Stamatina so 'ndà a caminare, solito jro so l'arzare del canale verso Marendole, dove che se camina  ben senza nessun trafico. Jera squasi le oto e ghe jera ncora nebia, bassa e fissa che no se vedéa a trenta metri, a sentìa solo i cani sbaiare, el bordeo dei treni sferaliare so le rotaie e calche cornacia col so graciare. De sora de a nebia  ghe jera on bel ceo celeste e anca on bel soe splendente che, nel me ritornare,  pian pianeo el ga sparpaià a nebia, ghe jera solo calche fumarela verso la riva del canale. Tornando me se ga vissina sbaiando on cagnoto, no go ciapà paura, ma gavéo on poca de fifa, parché el so paron el jera distante e anca se lo ciamava, le cagnoto no lo scoltava. Cari amanti dei cani, e sì in tanti, ste tenti, parché e xé senpre bestie,  fevene conto pensèghe, parché al d' de on cò no scolta gnanca i cristiani, ma no ste pensare che i animali i sia difarenti, prové a trascurarli na scianta e vedarì davero e bestie. Mi i animai i rispeto, i vardo voentiera, ma i asso vivare come che a xé a so Natura. Valtri che ve piase i animali, no ste volermene, mi a penso cossì e se posso iuto tanbto volentiera e persone. 

 

Bona jornada!

 

 

Che belo che xé

'ndare a caminare

dove che no passa

moto e machine.

Che belo

sentire el fredo,

vedare a nebia che sparisse

soto a luse  splendente del sole.

Che belo che xé

vedare spontare e prime foie

so i albari e prime margherite

e scoltare i oseleti cantare.

Che belo che xé

sentirse vivi,

suare e caminare.

 

 

 

 

venerdì 17 febbraio 2017

Carissimi, 

                  dopo tre nebie, 'na piova, sto dito pare ch'el sia vero , parché xé tre dì che a matina  ghe xé 'na bea nebia ,  e a teevision  prevede davero piova on cò o doman. I veci de 'na volta no i gavéa a teevision, ma vardando el ceo, e stee e a Natura, i saveva cossa ch'el tenpo faséa e quando che jera ora de somenare. 

Scomissio a jornada co sto pensiero , ma queo che ve vojo contare on cò, xé l'incontro de ieri co 'na brava putea che se ciama Erica, che a fa a segretaria in Pro Loco, parché a voe prepcrito. Se ghemo assà tanto sodisfà e se ghemo scanbià indirissi e numari de teefono, par conbinare de i altri incontri, co a speransa ch'el so projeto el sia scoltà e premià. Da parte mia, so contento de averla conossua  e ringrassio Erminio che me ga fato incontrare sta brava tosa, parché on cò no xé fassie trovare chi che se intaressa del dialeto, parché no sarìa 'na bea roba ch'el vegnesse desmentegà, come tante robe che in te sti tenpi e xé sta butà in te on canton, a ve vojo ricordare che no cresse albaarare on projeto   sol  nostro dialeto, a ghemo ciacoà on toco e ghe go dà 'na parte dea roba che go sri sensa RAISE.

Bona jornada!

Se e raise

e xé sane e forte

l'albaro cresse ben

e fa boni frutti,

ma se no e xé ben tacà

in te a tera

e xé deboe e riscia

de secarse.

Anca e nostre tradission,

a nostra lengua,

i mestieri, e cantilene

de i nostri veci,

se no e xé ben tacà

e vien desmentegà 

e altri fruti no ghee sarà.

zoba 16 febraro 2017

Carissimi,

                  dopo do mesi me so alsà bonora e so partìo  pa a me passejata so l'arzare del canae verso Marendoe, in mezo on nebio che no ve digo, a sessanta, setanta metri no vedéa gnente, me paréa de caminare sol bonbaso. Jera ciàro, sentivo el bordèo del treno, ma no  o vedéa. Verso i canoi i albari i xé tuti sechi, ma vissanandome go visto che i scomissia a varesare e questo xé on bel sperare, che a primavera xé drìo rivare. Camino...camino, no vedo anema viva, dopo poco sento de e scarpete che bate so l'alsfalto e me sorpassa on tosato, me sposto e toco l'erba de a sgrota del'arzare e squasi brisso so a brosema, che ga incoorìo l'erba de argento, sento, ma no e vedo e gainee de aqua, a ma a pena vedo calche oseeto che zoa. Anca e canpane e me riva  smorsà ae rece. Fasso fadiga a caminare, me supio de continuo el naso, el zenocio sinistro me fa mae, ma go fato el me jereto e so contento.

Bona jornada!

 

Ben inbacucà

a caminare sò 'ndà.

Par l'arzare no

vedea gnente

da a nebia che ghe jera,

a brosema cuersea  a tera,

el soe el me paréa

on baon bianco,

come serti lanpadari,

piantà in meso al ceo,

l'aqua del canae

a xé verde e me so domandà,

parché no a xé cossì d'istà,

che invesse a xé senpre

bruta, scura e maron,

a penso che a sia cossì par

tuta a porcaria che l'omo

el ghe butà drento,

a xé finìo el tenpo

che nel canae a noavimo

e se ava e arte,

desso da sta aqua

bisogna che ghe stemo in parte.

 

 

 

 

 

mercoledì 15 febbraio 2017

Carissimi,

                 la nebbia oggi è fitta, ma speriamo in un bel pomeriggio di sole.  Questa notte non ho dormito bene,  diverse volte ho sentito piangere i bambini miei vicini di casa e mi sono chiesto, ma che cosa sognano i bambini? Ho cercato nella mia memoria cosa sognavo io da piccino, ho frugato , ma non ho trovato granché, se non un vago ricordo che anche io piangevo perché avevo paura, ma credo che sia stata la fame che ne avevo tanta in quegli anni di guerra. Ritornando alla notte che ho passato, è stato tutto un girarmi e rigirarmi, ho fatto fatica ad addormentarmi e quando è venuta l'ora di alzarmi sarei rimasto a letto. Sono pensionato e potrei fare quello che voglio, ma non è così perché, sembra impossibile, ho tante cose da fare o che voglio fare e faccio, che il tempo vola. Vi descrivo la mia giornata  - come vedete vi sto scrivendo, poi faccio colazione, vado a comperare il pesce per il pranzo, ho un appuntamento con un ristretto Gruppo dei lettori per preparare la recita di fine anno culturale, a mezzogiorno pranzo, riposino e funerale di una caro amico ospite della Casa di riposo, Mario  uno dei custodi delle auto in Cava della Rocca. Così in un batter d'occhio viene sera e un altro giorno che se ne va. A volte, ma sempre più spesso,  mi chiedo quanto sono fortunato di continuare con questo ritmo di vita.

 

Buona giornata!

 

 

La terra, la Rocca, il cielo,

e noi che abbiamo

la gioia di camminare,

di vedere, ammirare,

gustare e vivere

in questo luogo,

che non ha mai grandi

e brutti scossoni da

parte della Natura

o degli uomini.

Dove la vita scorre

ogni giorno e notte

liscia quasi monotona.