Ciao a tuti, manca do dì e dopo parto, par on tocheto no ve scrivo pì. No sò se a Viserbella de Rimini a gabia a possibiità de avere on PC, ma s'el ghe xé,ve contarò e me jornate de vacansa. Desso ve saudo co on pensiero a naltro amigo che ne ga assà.

DIDI

El jera on omo
de bona creansa
e de sobria elegansa.
On omo bon
co on bel soriso,
alto, magro e preciso.
N'ol verséa a boca par gnente,
de queo ch'el parlava
el gavéa vardà se jera vero,
se no scoltava e taséva.
Me o ricordo  quando el tornava da via
sentà ai tavoini del café Comercio
co amissi, conossenti
e so cujini avocati,
ch'el ghe contava del so lavoro
in jro pal mondo.
Didi, el jera anca pitore,
el gavéa fato dei corsi
a Academia de Brera a Mian, 
e co a Pro Loco
el ga organizà a mostra internassionae
de grafica e pitura.
Didi, omo de bon core,
senpre de bon umore
ancaquando pochi dì fa
in ospedae o go incontrà
insieme a so mojere.
Ciao Didi, te ricordarò
voentiera co na preghiera.