...on albareo che fa fruti rossi, ma no so come chìel se ciama...
Carissima S. e blogs, stamatina a Roca a xé drìo cavarse el capeo biso de nebia, e me xé vegnù voja. dopo na setimana de riposo, de ndare a caminare. No so nda par sito arzare fin a Mrendoe, ma na stradea de canpagna. Camina ...camina, me Xè vegnù in mente che a xé a stajon del vin frigoaro. Dedicò stopensierin a ti e a tuti quei che ghe voe ben a sto goto de vin bon.
N.B. a meto dee fotografie de albari, ma no de vigne, parché e xé za spojà e soo steconi gavarìa fotografà.
... anca sta pianta fa fruti rossi che se ciama sgolmare
in diaeto e in italina corbezzoli...
...sto albaro el ga de e foje zae che xé on spetacoo...de a Natura on miracoo...
VIN FRIGOARO
Ieri ndando de mandoon
so pasà par on stradon
al vin frigoaro dedicà
A me so imajnà
che tanti secoi fa
fuse nata da ste parte,
bonificà,
na vigna de forte quaità
parché par ultima a xé maturà,
e col fresco e a nebioina,
a ridosso de novenbre
a vien vendemà,
e vien fora on vin così bon
ch'el conpagna ogni bon bocon.
Nessun commento:
Posta un commento