Ciao S., che bee robe che te me meti so sta lavagna dove mi e ti a scrivemo squasi ogni dì. Grassie cara, no te saré mai pagà, ma te ghe da savere che te sì senpre ne i me pensieri.

 Un cò me vien voja de ricordi, e cossa ghe xé de mejo che contarvei in diaeto?

LESARE E PARLARE IN DIALETO PADOVAN

LEGGERE  E   PARLARE IN  DIALETTO PADOVANO

El dialeto xe la lengua dei me veci, e on co’, che vecio so anca mi, me vien voja de parlarlo e de scrivarlo come che go in parà da lori.  Par sto motivo ve fasso presente, che no xe fassile usare le letere L – S – Z – I – J. Studiosi del dialetto che i se ciama Silvano Belloni,  Gianfranco Turato, Dino Durante, Franco Sandon e el conpianto Manlio Cortelasso, i ga dito che a volte ste letere le vien pronunsià, a volte mastegà o soffegà, altre volte dopià e pronunsià singole, a seconda de come se usa la parola. Mi serco de scrivare in te la maniera de sti sìori, ma ve domando pardon se calche volta vago via par conto mio.

Tangti ani fa, a jerimo tanto poareti, ma a ghe voevimo ben a tuto e a tuti, che i sìa benedeti o maedeti de scheeti ghe ne jera pochi, a e-ora no se butava via gnente. Nel masteo se lavavimo in tre /
l'aqua sporca la butavimo so l'orto/ e vansaure del seciaro e butavimo nel ponaro, e se proprio e faséa schifo, e butavimo sol loamaro.