APRILE
El proverbio dise:
“ Aprile no scuersarte”
e se capise dì dopo dì
dal’andare e tornare
de soe e nuvoe
e dal passaio de alodoe
El tenpo caldin el te ciapa
ma el vento el xè
‘ncora fresco e garbin
Ghe xé a voia
de vestiti pì lezieri
ma a ne va via
quando ghe xé el ceo
a piegorete co e so
bianche nuvoete
La piova
che casca
a scuasoni la xé
pareià da un poco
de ceo azuro
ch’el stenta
a vegnere fora.
Xé ‘ncora lontan
el sigare dee cicae
Xé meio portare a onbrea
parché poe cascare
‘na piova inprovisa
Aprile xé on mese inprevedibie
e xé conseià portare l’inpermeabie
In te sti dì casca anca a neve
e no solo in montagna
e de sto fredo
el contadin se lagna
Xé meio no metare
via i vestiti pesanti
par no ciapare bruti maani
che ne pole far dei dani.
Nessun commento:
Posta un commento