Da un casseto tiro fora
Dee rime in diaeto che go scrito da quando so ‘ndà in
pension, parché me so dito che
‘Na rima al giorno toe a Teresina da torno
Se gavì pasiensa de lezarli ghe ne xé par tuti i gusti.Za ogni volta ghe jera a guera de e paroe
e co sta canpagna eletorae ghe ne fin che se voe.
In te sti dì so n'da a scoltare i candidati
che i se ga presentà ben, ma on poco tuti mati.
Pieni de bone intension i gà eenca e so proposte,
ma nessun ga dito che par farle
i ne dàrà tuti dee pache so e coste,
parché se schei no ghe né
do ve i trovei che semo sensa re.
Vojo dire che sarìa mejo che magnasse uno soo
che tanti che i se sbrana par mandarne tuti a moo.
Bona Jornata!
Nessun commento:
Posta un commento