mercore 23 aprie 2014

Bonjorno a tuti, ea nebia a ai irti coi, piovesenado sae...xé questo el bondì de stamatina, proprio na bea nebioina, chisà cosa che a ne portarà. Intanto, mi ve scrivo sto pensierin

FRADEI D’ITALIA

Par quante storie che sia capità

Par quante storie che capita

Par quante storie che capitarà

L’Italia mai no l’inpararà

A essare manco sparonsona

A no fare confusion

A ricordarse de la fame

Che ghemo patìo

A gustare la libertà e la pase

Cò tanta tribolassion conquistà

A tegnere da conto serte regole

Che i nostri veci ne gà insegnà

A pare che semo deventà mati

Seguimo dele mode

Che li altri li ga sbandonà

Sichè restemo sempre indrio

Come sinquanta ani fa.

 Bona jornata!